Tert.am-ը գրում է.
«Խաբար Արմանի»-ն հայտնում է, որ Ջունիյեի միջազգային փառատոնի ժամանակ հնչել է «Մենք ենք ու սարերը մեր» երաժշտական ստեղծագործությունը:
Ինգա և Անուշ Արշակյանների կատարմամբ հայտնի երգը արաբերենով ու հայերենով ներկայացրել է լիբանանցի հանրահայտ երգչուհի Մաժիդե Ռումին:
Աղբյուրի փոխանցմամբ՝ Ջունիյեի հայտնի փառատոնին երգչուհին այս կերպ իր հարգանքի տուրքն է մատուցել Հայոց ցեղասպանության հարյուրամյակին և զոհերի հիշատակին:
Լիբանանի Ջունիյե քաղաքի փառատոնն այս տարի անց է կացվելու մինչև հուլիսի 15-ը: