«Գազպրոմը» Ուկրաինայից 212 մլն դոլար է պահանջել Դոնբաս և Լուգանսկ մատակարարած գազի դիմաց
05:38 , 27 հունիս, 2015
Tert.am–ը գրում է.
«Գազպրոմը» հայտարարում է, որ Ուկրաինան ընկերությանը 212 մլն դոլար է պարտք` արևելյան շրջաններ գազ մատակարարելու համար: Ինչպես հայտնում է Корреспондент-ը` այս մասին հայտարարել է ռուսական գազային ընկերության ղեկավար Ալեքսեյ Միլլերը:
Միլլերի խոսքով` «Գազպրոմը» փետրվարի 19-ից 212 մլն դոլարի 704 մլն խորանարդ մետր գազ է մատակարարել «Դոնեցկի և Լուգանսկի օկուպացված տարածքներ»:
Ավելի վաղ «Գազպրոմը» առաջարկել էր հատուկ բանակցություններ անցկացնել անմիջապես Դոնբաս գազ մատակարարելու մասին առանձին համաձայնագիր կնքելու վերաբերյալ: