Ցույցի ընթացքում տեսախցիկների առջև հայտնվող դեմքերը կամաց-կամաց փոխվում են
00:19 , 23 հունիս, 2015
Ցույցի ընթացքում տեսախցիկների առջև հայտնվող դեմքերը կամաց-կամաց փոխվում են։ Եթե երեք օր առաջ ակտիվիստների բացարձակ մեծամասնությունը հասարակության լայն շրջանակների համար անհայտ մարդիկ էին, ապա հիմա այնտեղ կարելի է տեսնել տարբեր` այսպես կոչված «հասարակական նախաձեռնությունների» նախկին ու ներկա առաջնորդների։
Կարծում եմ` այս փաստը շատերի համար է խոսուն։ Այսպես թե շարունակվեց, ցույցի նպատակներն էլ կփոխվեն, բնույթն էլ։ Ամեն ինչ գալիս է նրանից, որ ներկայիս փաստացի առաջնորդները, չունենալով գործողությունների հստակ ծրագիր, փակուղում հայտնվեցին։ Հանգուցալուծում էին փնտրում, նոր խնդիրներ ստացան։ Հիմա փորձում են շտկել իրավիճակը՝ առաջարկելով վերադառնալ Ազատության հրապարակ, բայց արդեն չի ստացվում. բարձրախոսը շատ է ձեռքից ձեռք անցնում։