Նյու Յորք նահանգի Գուվերներ քաղաքի փողոցներից մեկում գտել են 9 ուղեղ: Այդ մասին հայտնում է Syracuse.com-ը:
Մասնագետների կարծիքով՝ դրանք պատկանում են շների կամ ոչխարների: Իսկ թե ինչպես են հայտնվել փողոցում, դեռ հանելուկ է:
Ոստիկանությունը շտապեց հանգստացնել քաղաքի բնակչությանը, որ դրանք քրեական ծագում չունեն: Ուղեղները հեռացված են եղել վիրահատական ճշգրտությամբ և մշակված ֆորմալդեհիդով: Դա հիմք է տվել եզրակացնելու, որ ուղեղները նախատեսված են եղել ուսումնական հաստատությունում կամ անասնաբուժական հիմնարկում ինչ-որ փորձի համար: