Արփի Գաբրիելյանը՝ Սոս Ջանիբեկյանի հետ համբույրի և «Սկոտչ & Whiskey» ֆիլմի բաց տեսարանների մասին

«Սկոտչ & Whiskey» ֆիլմի մասին BlogNews.am-ը պատմել է իր ընթերցողներին։ Դերասանուհի Արփի Գաբրիելյանն այս ֆիլմում առաջին անգամ ներկայանում է բաց տեսարաններում։ Դերասանուհին նկարահանվել էր ներքազգեստով։

BlogNews.am-ի հետ զրույցում Արփին ասաց, որ մեծ դժվարությամբ է համաձայնել այդ տեսարաններին։ «Արշոն ինձ խոստացավ, որ եթե նկարահանվելուց հետո ինչ-որ բան դուրս չգա, տեսարանը դուրս կգա ֆիլմից։ Նա այն ռեժիսորն է, որ պատրաստ է կոմպրոմիսի գնալ դերասանի հետ։ Արշոն կարողացավ շատ ճիշտ ու նուրբ ներկայացնել այդ բաց տեսարանները թե՛ իմ, թե՛ Լուիզայի դեպքում»,- ասաց Արփին։

Ինչ վերաբերում է իր և Սոս Ջանիբեկյանի համբույրի տեսարանին՝ Արփին ասաց, որ չի ցանկանում բացահայտել՝ այն բեմադրվա՞ծ էր, թե՞ ոչ։ «Յուրաքանչյուրը թող հասկանա այնպես, ինչպես կհասկանա»,- նշեց նա։

Նյութը՝ Ամալյա Հովհաննիսյանի