Ենթադրում եմ, որ սակագնի բարձրացումը վատ մենեջմենթի հետ կապված վնասների հետ կապ չունի

Հետաքրքիր է, թե ինչ կասի Հանրային ծառայությունները կարգավորող հանձնաժողովի նախագահ Ռոբերտ Նազարյանը երեք ամիս անց, երբ ստիպված լինի կատարել ռուսներին հանձնված ընկերության պատվերը և բարձրացնել էլեկտրաէներգիայի սակագինը: Այսօր նա խոսում է, որ սակագնի բարձրացում չի լինի. «Պաշտոնապես հայտարարում եմ ամենայն պատասխանատվությամբ, որ որևէ վնաս, որն առաջացել է ռուսական ընկերությունում իրենց վատ մենեջմենթի, սխալ կառավարման արդյունքում, բնակիչը չի վճարելու» (hraparak.am): Ենթադրում եմ, այնուամենայնիվ, որ սակագնի բարձրացումը վատ մենեջմենթի հետ կապված վնասների հետ կապ չունի. սպասենք...