1in.am-ը գրում է.
Ջոհար Ցարնաևը, որը մեղավոր է ճանաչվել 2013թ. Բոստոնում մարաթոնի ժամանակ ահաբեկչության իրականացման մեջ, դատական լսումների ժամանակ առաջին անգամ արտահայտել է հույզերը: Այս մասին հայտնում է The New York Times-ը:
Պարբերականը նշում է, որ Ցարնաևը դատական լսումների ժամանակ առաջին անգամ լաց է եղել, երբ նրա ռուս ազգականները նրա օգտին վկայություն են տվել՝ փորձելով մեղմացնել մահվան դատավճիռը: Նշվում է, որ Ջոհարը հանգստություն է պահպանել գործընթացի ողջ ընթացքում, նույնիսկ երբ վկաները պատմել են ահաբեկչության զոհերի մահվան մանրամասները:
Ցարնաևի հարազատները ևս չեն կարողացել զսպել հույզերը՝ դատարանում նրա մանկության մասին պատմելով: