Վրաստանի պաշտպանության նախարարի պաշտոնում առաջադրվել է Թինա Խիդաշելին

1in.am-ը գրում է.

Առաջին անգամ Վրաստանի պատմության մեջ պաշտպանության նախարարի պաշտոնը կին կզբաղեցնի։ Այս մասին հայտարարել է Վրաստանի վարչապետ Իրակլի Ղարիբաշվլին։

Նա լրագրողներին հայտարարել է, որ կառավարության թարմացված կազմում պաշտպանության նախարարի պաշտոնում ներկայացրել է Թինա Խիդաշելիին։ Այս մասին փոխանցում է TASS գործակալությունը։

Հունիսին նա կդառնա 42 տարեկան։ Խիդաշելին մասնագիտությամբ իրավաբան է, 2012-ի հոկտեմբերից խորհրդարանի պատգամավոր է, իսկ այս տարվա մարտից՝ եվրաինտեգրման հարցերով խորհրդարանական կոմիտեի նախագահ։