Իրանի հոգևոր առաջնորդն Instagram-ում հատել է տեսանյութի սահմանափակ տևողությունը
03:22 , 30 ապրիլ, 20151in.am-ը գրում է.
Իրանի գերագույն ղեկավար Ալի Խամենեիին հաջողվել է Instagram սոցցանցում հատել այնտեղ տեղադրված տեսանյութերի համար սահմանված տևողությունը, փոխանցում է The Guardian-ը:
Սերվիսը տեսանյութերի տևողությունը սահմանափակում է 15 վայրկյաններով: Սակայն օգտատերերը այաթոլլայի օգտահաշվում տեսանյութ են հայտնաբերել, որի տևողությունը մինչև մեուկես րոպե է: Այս տեսանյութում նրա ելույթից հատվածներ են:
Ինչպես հայտնել են ընկերությունից, Խամենեիի օգտահաշվի հեղինակներն օգտվել են համակարգի թերություններից, ինչի հետևանքով որոշ օգտատերեր հնարավորություն են ստացել ավելի երկար տեսանյութեր ներբեռնել: Instagram-ում հավատացրել են, որ այս թերությունը վերացվել է, սակայն տեսանյութը դեռ էջում է: