Tert.am-ը գրում է.
Զանգվածային որոշ լրատվամիջոցներով շրջանառվող տեղեկատվությունն այն մասին, որ նախօրեին ձերբակալված որոշ անձիք Երևանի քաղաքապետ Տարոն Մարգարյանի մերձավոր շրջապատից են, ակնհայտ ապատեղեկատվություն է և բացարձակ չի համապատասխանում իրականությանը:
Այս մասին հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից և հորդորում զերծ մնալ Երևանի քաղաքապետի անունը անհարկի շահարկելուց և ակնհայտ կեղծ տեղեկատվություն տարածելուց:
Նշենք, որ այսօր ԶԼՄ-ներում տեղեկություն էր շրջանառվում, որ «Երրորդմասցի» Լյովիկի սպանության քննության շրջանակներում ձերբակալված որոշ անձինք կապ ունեն Երևանի քաղաքապետ Տարոն Մարգարյանի հետ։