ԱՄՆ-ում 3 տարեկան տղան կրակել է մեկուկես տարեկան եղբոր գլխին
22:48 , 4 մարտ, 2015
1in.am-ը գրում է․
ԱՄՆ Թեննեսի նահանգում 3 տարեկան տղան ատրճանակից կրակել է իր 18 ամսական եղբոր գլխին՝ հայտնում է Associated Press-ը՝ հղում անելով ոստիկանությանը:
Ողբերգական դեպքը տեղի է ունեցել նախօրեին՝ Հիլսբորո քաղաքում, որը գտնվում է Նաշվիլից 112 կմ հարավ-արևելք:
Տուժած երեխային տեղափոխել են հիվանդանոց, նրա վիճակի մասին ոչինչ հայտնի չէ:
Ոստիկանները նշել են, որ երեխան կրակել է 6.35 մմ տրամաչափի ատրճանակից: Իրավապահները դեռևս չեն պարզել, թե ինչպես է երեխային հասանելի եղել զենքը: