Tert.am–ը գրում է.
Մոսկվայում զոհված քաղաքական գործիչ Բորիս Նեմցովի հիշատակին անցկացվող սգո երթի ընթացքում ձերբակալվել է Ուկրաինայի Գերագույն ռադայի պատգամավոր Ալեքսեյ Գոնչարենկոն:
Այս մասին, ինչպես տեղեկացնում է «Արմենպրես»-ը` վկայակոչելով ՏԱՍՍ գործակալությունը, հայտնել են իրավապահ մարմինները:
Ուկրաինական պատգամավորը հրաժարվել է ենթարկվել ոստիկանության աշխատակցի օրինական պահանջին, ինչի համար էլ ձերբակալվել է:
Հիշեցնենք, որ Բորիս Նեմցովը, ով նախկինում բարձր պաշտոններ էր զբաղեցրել ՌԴ կառավարությունում, սպանվել է ուրբաթ երեկոյան Կրեմլի մոտակայքում: Հետաքննությունը մի քանի վարկած է դիտարկում, այդ թվում` պատվերով սպանությունը: