Tert.am-ը գրում է.
ՀՀ գյուղատնտեսության նախարար Սերգո Կարապետյանն այսօր ընդունել է կառավարության շենքի դիմաց իր դեմ բողոքի ակցիայի մասնակիցներին։
Այս մասին նախախարը հայտնեց Tert.am-ի հետ զրույցում:
Հիշեցնենք, որ որոշ քաղաքացիներ վիրավորվել էին Սերգո Կարապետյանի՝ կարտոֆիլի մասին դիտարկումից հետո, որ կարտոֆիլը նման է աղջկա՝ պետք է տալ առաջին ուզողին:
«Այսօր ես հանդիպել եմ Կառավարության շենքի առջև հավաքված ակցիայի մասնակիցներին, լսել եմ նրանց: Ափսոսանք եմ հայտնում, որ ակամայից խոսքս որպես վիրավորանք է ընկալվել: Այնուհանդերձ, եթե որևէ մեկին վիրավորել եմ, ապա հայցում եմ նրանց ներողամտությունը:
Եվս մեկ անգամ շեշտելով իմ հարգանքը կանանց նկատմամբ՝ շնորհավորում եմ նրանց գալիք մեկամսյակի կապակցությամբ», - նշեց ՀՀ գյուղնախարարը։