Tert.am-ը գրում է․
Անկարայի և Երևանի հարաբերությունների կարգավորման համար Թուրքիայի արտգործնախարար Մևլութ Չավուշօղլուն դարձյալ հին նախապայմանն է նշել:
Թուրքական Sabah օրաթերթին տված հարցազրույցում Չավուշօղլուն հայտարարել է, թե Հարավային Կովկասում խաղաղություն ու կայունություն հաստատելու համար պետք է լուծել Ղարաբաղյան հակամարտությունը:
Իսկ Անկարայի հետ հարաբերությունները կարգավորելու համար, ըստ թուրք նախարարի, «Հայաստանը պետք է դուրս գա Լեռնային Ղարաբաղից»:
«Հայաստանն առայժմ որևէ քայլ չի ձեռնարկել Լեռնային Ղարաբաղի հակամարտության կարգավորման համար», -նշել է Չավուշօղլուն: