Սիրիայում ևս մեկ հայ ընտանիք է զոհվել

Հալեպի Սուլեյմանիա եւ Թելեֆոն Հաուայե փողոցների միջեւ գտնվող Գյուլբենկյան ազգային վարժարանի մոտակայքում սեպտեմբերի 26-ի երեկոյան տեղի ունեցած երկու պայթյունների հետեւանքով զոհվածների թվում են եղել նաեւ հայուհի Մարիա Աղազարյանը եւ նրա տասնամյա դուստր Ջուլին: Այս մասին «Արմենպրես»-ին տեղեկացրեց Հալեպի Ազգային առաջնորդարանի մամլո խոսնակ Ժիրայր Ռեյիսյանը:
«Հալեպի նորությունների լրատվական ցանց» ֆեյսբուքյան էջից տեղեկացանք, որ զոհվել է նաեւ Մարիա Աղազարյանի ամուսինը` Ռայմուն Ֆահման, ով քրիստոնյա արաբ էր: