Պատրաստ եք քննարկել երկրի տնտեսական իրավիճակը, սակայն փակ ռեժիմով, բայց մոռանում եք, որ բոլորովս ենք կործանվում

Որ իշխանություններին քննադատում ես, ասում են՝ մենք ենք ստանձնել պատասխանատվությունը, մենք ենք որոշում ինչպես կառավարել: Դե հիմա կոնկրետ ովքե՞ր են պատասխան տալու այս վիճակի համար: Ինչպես ասում եք, պատրաստ եք քննարկել երկրի տնտեսական իրավիճակը, սակայն փակ ռեժիմով, բայց մոռանում եք, որ բոլորովս ենք կործանվում, ոչ թե միայն դուք: Քննարկեք, բայց քննարկեք բաց ռեժիմով, որ յուրաքանչուրս տեղյակ լինենք, թե մի գիշերում ինչ եք որոշել, որ մեր արդար քրտինքով վաստակածը ձեր անպատասխանատվության արդյունքում չկորցնենք: Ձեզնից շատերի սրտին դարդ էլ չի լինի, ինչ էլ կորցնեք, միևնույնն է, դա քրտինքի արդյունք չի: