Թուրքիայում ավարտել են Ուրֆայի «Մահմութօղլու աշտարակի» վերականգնումը, փոխանցում է թուրքական «Անադոլու» գործակալությունը:
Հայերի կողմից կառուցված 1000-ամյա պատմություն ունեցող աշտարակի վերականգնման աշխատանքներն իրականացրել է Ուրֆայի քաղաքապետարանը:
Վերականգման աշխատանքների իրականացումը տևել է շուրջ երկու տարի: Ուրֆայի քաղաքային իշխանություններն արդեն որոշել են աշտարակը վերածել պատմության թանգարանի:
Աշտարակը կառուցվել է 1122-23 թվականներին ուրֆայաբնակ հայերի կողմից: Օսմանյան կայսրության շրջանում այն պատկանել է Մահմութօղլու տոհմին, որի անունն էլ ներկայում կրում է աշտարակը: Աշտարակում գտնվում է հայերենով գրություն, որը պատմում է հիմնադիրների մասին: