Բողոքի ակցիա ԵԱՀԿ գրասենյակի առջև

17:57 , 19 նոյեմբեր, 2014

 

Այսօր ԵԱՀԿ գրասենյակի առջև ‹‹Երիտասարդ համալսարանականների միավորում›› կազմակերպությունը նախաձեռնել էր բողոքի ակցիա` հայկական ուղղաթիռի ոչնչացման և Ադրբեջանի ագրեսիվ գործունեության կանխման համար: Երիտասարդ համալսարանականներն իրենց մտահոգությունն են հայտնում Արցախում ադրբեջանական զինուժի կողմից հայկական ուղղաթիռի խոցման և դրա պատճառով լարվածության մեծացման կապակցությամբ: «Չենք կարող անտարբեր լինել խոցված ուղղաթիռի հայ օդաչուների ճակատագրի նկատմամբ: Ուստի պահանջում ենք  ԵԱՀԿ-ից համապատասխան միջոցներ ձեռնարկել ուղղաթիռի անձնակազմի մարմինները հայրենիք վերադարձնելու և Ադրբեջանի ագրեսիվ քաղաքականությունը դատապարտելու ուղղությամբ։»