Արքայազն Հարրին լքել է ռազմակայանն Աֆղանստանում անվտանգության նկատառումներով
16:15 , 18 սեպտեմբեր, 2012
Մեծ Բրիտանիայի թագուհի Եղիսաբեթ Երկրորդի թոռը՝ արքայազն Հարրին լքել է Աֆղանստանում գտնվող «Քեմփ բաստիոն» ռազմակայանը, որը վերջերս հարձակման թիրախ էր դարձել թալիբների համար, հայտարարել է Բրիտանիայի պաշտպանության նախարար Ֆիլիպ Հեմմոնդը:
Հեմմոնդն ասել է, որ արքայազնը տեղափոխվել է այլ ռազմակայան անվտանգության նկատառումներով, հայտնել է նա BBC-ին: «Ուելսի արքայազնը կարող է ահաբեկիչների թիրախ դառնալ, քանի որ նա թագավորական ընտանիքի անդամ է»,-հայտարարել է նախարարը:
Հայտնի է, որ արքայազն Հարրին ծառայում է Աֆղանստանում որպես «Ապաչ» ուղղաթիռի երկրորդ օդաչու, հայտնում է «Ինտերֆաքսը»: