Ղարաբաղյան հակամարտությունն այն հարցը չէ, որ պետք է լուծվի ռազմական ճանապարհով. Իրանի նախագահ

Պաշտոնական այցով Բաքվում գտնվող Իրանի նախագահ Հասան Ռոհանին Ադրբեջանի նախագահի հետ համատեղ ասուլիսի ժամանակ, անդրադառնալով ղարաբաղյան հակամարտության հարցին, նշել է, որ սա այն խնդիրը չէ, որ պետք է կարգավորվի ռազմական ճանապարհով. «Դրա համար մենք մեզ պարտավոր ենք զգում ցանկացած օգնություն ցուցաբերել և պատրաստ ենք դա անել»:
«Մենք չենք ողջունում Ղարաբաղի շուրջ տիրող ներկայիս իրավիճակը: Մենք ցանկանում ենք, որպեսզի տարածաշրջանում արդարություն լինի: Մենք ցանկանում ենք, որ այս տարածաշրջանում լինի խաղաղություն, կայունություն և բարեկամություն: Մենք գիտենք, որ ղարաբաղյան հակամարտությունը պետք է կարգավորվի քաղաքական ճանապարհով: Սա այն հարցը չէ, որ կարգավորվի ռազմական ճանապարհով»,-ասել է հարևան երկրի նախագահը: