Հնդկաստանից գոմեշի մսի ներմուծման մեջ փոփոխություններ

«Հնդկաստանի Հանրապետությունից Հայաստանի Հանրապետություն գոմեշի միս ներմուծելու մասին» որոշման մեջ, որով ստեղծվում են գոմեշի մսի ներմուծման գործունեությամբ զբաղվող իրավաբանական անձանց՝ համապատասխան չափանիշներին համապատասխանելիության ստուգման պատշաճ մեխանիզմներ:

Ինչպես նշեց գյուղատնտեսության նախարար Սերգո Կարապետյանը, սահմանվում է, որ ձեռնարկությունը պետք է ունենա ոչ թե 10, այլ 15 տարվա գործունեություն եւ ISO 9001:2000 ստանդարտի արտոնագրերի փոխարեն ունենա վտանգի աղբյուրների վերլուծության և կրիտիկական կետերի հսկման համակարգի և ստանդարտների միջազգային կազմակերպության ISO 22000:2005 կամ ISO 9001:2008 ստանդարտի արտոնագրերը:
Վարչապետ Հովիկ Աբրահամյանն այս կապակցությամբ նշեց, որ որոշումը հնարավորություն կտա տեղական մսամթերքի արտադրության զարգացմանը, բայց միաժամանակ նշեց, որ հարկ է ամեն ինչ անել, որ մսամթերքների գնաճ տեղի չունենա, և առաջարկեց այս հարցը մեկ անգամ ևս քննարկել մսամթերք արտադրողների հետ: