Վանա լճի Աղթամար կղզու Սուրբ Խաչ հայկական եկեղեցում մատուցված պատարագն ուրախություն է առաջացրել տեղի նավավարներին:
Այս մասին տեղեկացնում է թուրքական «Իհլաս» գործակալությունը:
Սեպտեմբերի 9-ին Սուրբ Խաչում մատուցվեց ամենամյա պատարագը, որը թվով երրորդն էր 2010 թվականից , երբ եկեղեցին վերանորոգվելուց հետո վերածվեց թանգարանի:
Ըստ տարբեր աղբյուրների` այս տարվա պատարագին մասնակցել է 1000-ից 3000 մարդ: Թուրքական աղբյուրը նշում է, որ հայերի ժամանումն ամենից շատ երջանկացրել է Վանա լճի նավավարներին:
Նավերի տերերն ու նավավարները նշել են, որ «թեև իրենք ծանրաբեռնված աշխատել են միայն 1-2 օր, սակայն դրանից էլ շատ գոհ են, քանի որ ոչ միշտ են աշխատանք ունենում»:
Հայերին Աղթամար կղզի հասցնելու համար աշխատել է 15 նավ:
Գևորգ Պետրոսյան