Մի քանի տասնյակ միլիոնատերերով կնոպկա են սեղմում, որ մի քանի միլիոն աղքատ հանկարծ միլիոնատեր չդառնան

ԱԺ քառօրյաներին այն տպավորությունն է, որ մենակ ընդդիմադիր գործիչներն են խոսում, այն էլ ոչ բոլորը, այլ մի քանի հոգի: Կան պատգամավորներ, որոնք միայն պատգամավոր անունն են կրում ու ուրիշ ոչինչ չեն անում: Ասենք ՀՀԿ-ն այդքան պատգամավոր ունի, բայց նրանցից քարը տրաքի պայթի 15-ն են խոսում, մնացածին թվում է, թե դա թատրոն է, իրանք էլ, որպես հարգարժան հյուրեր, մեկ-մեկ գալիս են ու պատվում են այդ թատերական ներկայացումը: Թատրոնը երբեմն նրանց համար վերածվում է «Ո՞վ է ուզում դառնալ միլիոնատեր խաղին», ուղղակի ստեղ ֆորմատը մի քիչ ուրիշ ա, մի քանի տասնյակ միլիոնատերերով կնոպկա են սեղմում, որ մի քանի միլիոն աղքատ հանկարծ միլիոնատեր չդառնան: