Ոստիկանական բաժանմունքի ինքնակոչ հյուրը (VIDEO)

Անցյալ երկուշաբթի Անգլիայի ոստիկականական բաժանմունքներից մեկում մի ինքնակոչ հյուր էր հյուրընկալվել։ Այդ հյուրը ոչ այլինչ էր, քան ձի։ Ոտք դնելով ոստիկանական բաժանմունք՝ ձին ազատ-համարձակ շրջում էր այնտեղ և իրեն զգում էր այնպես, ինչպես տանը։ Ոստիկանական բաժանմունքից ոչ այնքան հեռու կար մի դաշտ, որտեղ ձիերին արածեցնում էին։  Ձին հենց այնտեղից էլ փախել էր ու ներխուժել բաժանմունք։ Հենց որ անկոչ հյուրին նկատեցին, նրան անմիջապես վերադարձրին տիրոջը։ Ստորև ներկայացված տեսանյութում պատկերված է ձիու այցելությունը ոստիկանություն։ Զվարճալի է տեսնել, թե ինչպես է ձին անցնում ավտոմատ բացվող-փակվող դռների միջով։