Ինչպե՞ս կարող են արդարադատություն պահանջել ԵՄ անդամ երկրից, երբ իրենք են տարիներ շարունակ ազատազրկել ու բարոյալքել սեփական ժողովրդին

Ոչ մի քաղաքականություն չի կարելի խելացի, գիտակ, արդարացի համարել, եթե այն չի ծառայում Մարդուն եւ մարդկայինին: Մենք արդարացիորեն վրդովվում ենք արեւմտյան երկակի ստանդարտներից ու երեսպաշտությունից, ռուսական կայսերապաշտությունից, թուրքական եւ ադրբեջանական ագրեսիայից, բայց չենք փորձում հասկանալ, թե այդ ամենն ինչի հետեւանք է, ինչու՞ հասանք այս օրին: Ինչպե՞ս կարող են մի երկրի իշխանություններ արդարադատություն պահանջել ԵՄ անդամ երկրից, երբ իրենք են տարիներ շարունակ ազատազրկել, ծեծել-սպանել, բարոյալքել սեփական ժողովրդին, երբ ՀՀ Նախագահի ընտրություններից հետո բանտերը լցվել են այլախոհներով, երբ մարդկային կյանքն են արժեզրկել այն աստիճան, որ ցանկացած ստահակ պատրաստ է ցանկացած վայրում սպանել ՀՀ քաղաքացուն եւ մնալ անպատիժ: Ազատվեք հայկական Սաֆարովներից, եւ նրանք պաշտպանության չեն արժանանա այլոց կողմից: