«Միկա ցեմենտ»-ն արդեն նոր սեփականատեր ունի, գրում է «Ժողովուրդ»-ն ու հավելում՝ պաշտպանության նախկին փոխնախարար Գագիկ Մելքոնյանը գործարանը գնել է ու շատ շուտով պատրաստվում է այն գործարկել:
Մելքոնյանի խոսքով, սակայն, ինքն ընդամենը միջնորդել է, որ իր մոսկվայաբնակ ընկերները գնեն գործարանն ու աշխատեցնեն, սակայն միաժամանակ խոստովանել, որ անձամբ է հետևելու գործարանի աշխատանքներին. «Ղեկավար կարող է ես չլինեմ, բայց իմ հսկողության տակ կլինի, որպեսզի այն նախկին վիճակին չարժանանա»:
ՊՆ նախկին փոխնախարարը հավելել է նաև, որ գործարանի նոր սեփականատերերը պատրաստվում են մարել գործարանի պարտքերն ու վճարել կուտակված աշխատավարձերը, գրում է թերթը: