Շնորհավորում եմ բոլոր մեծ ու փոքրիկ երեխաներին

Ծերության օրերին, ասում էր Շոպենհաուերը, չկա ավելի լավ մխիթարություն, քան այն բանի գիտակցումը, որ երիտասարդ տարիները նվիրվել են մի գործի, որը երբեք չի ծերանում: Այս առումով ցանկանում եմ, որ երեխաների դաստիարակության սուրբ և պատասխանատու գործն իրականցնողները իրենց և այլոց երեխաների համար ապահովեն այն պայմաններն ու ձևավորեն այն գիտակցությունը, որոնց վերջնաադյունքում այդ նույն երեխաները վաստակեն մխիթարված ծերություն ունենալու իրավունքը:

Ցանկացած երեխա փոքրիկ հանճար է (ճապոնական ասացվածքի մոտիվներով), բայց արի ու տես կյանքի ընթացքում դառնում է սովորական մահկանացու: Իսկ սա նշանակում է, որ երեխաների իրավունքների պաշտպանության գործում ԱՌԱՋԻՆ տեղում պետք է լինի և մնա նրանց հանճարեղության որակի պահպանումն ու զարգացումը: