Aysor.am-ը գրում է.
Ավտոմատ գազալիցքավորման ճնշակայանների (ԱԳԼՃԿ) խնդիրը մշտապես գտնվել է ԱԻՆ ուշադրության կենտրոնում և վերջին տարիներին նկատվում է որոշակի դրական միտում դրանց հրդեհային անվտանգության ապահովման աստիճանի բարձրացման ուղղությամբ, լրագրողների հետ հանդիպմանն ասաց ԱԻՆ պետական հրդեհային և տեխնիկական անվտանգության տեսչության քարոզչության բաժնի պետ Սերգեյ Հայրապետյանը։
«Գազալցակայաններում հրդեհների առումով վիճակը բարվոք է», - ասաց ԱԻՆ աշխատակիցը, ապա որպես օրինակ բերեց վիճակագրությունը։
Նրա խոսքով՝ 2012 թվականից սկսած գազալցակայաններում գրանցվել է հրդեհի 23 դեպք, զոհվել է 2 մարդ և վնասվածք ստացել՝ 8 մարդ։
Բացի այդ, գազալցակայաններում տեղի են ունեցել տեխնածին վթարներ կամ արտադրական դժբախտ դեպքեր։ Նշված ժամանակահատվածում տեղի են ունեցել 27 դեպք, որի ընթացքում 5 մարդ զոհվել է, 18-ը՝ ստացել տարբեր աստիճանի մարմնական վնասվածքներ։
Ամբողջական հոդվածը կարող եք կարդալ այստեղ