Life.panorama.am-ը գրում է.
Life.panorama.am-ը Սուրբ Վալենտինի տոնի կապակցությամբ զրուցել է դերասան Դավիթ Հակոբյանի հետ, ով խոսել է իր և կնոջ` Նոնա Թելոյանի սիրո մասին:
- Դավիթ, ի՞նչ գույն ունի Ձեր սերը:
-Իմ սերը կանաչ գույն ունի, որովհետև այն միշտ նմանեցնում եմ գարնան թարմության, զարթոնքի, գեղեցիկ կանաչի հետ: Նոնան ինձ միշտ այդ հարցը տալիս է ու ես ամեն անգամ ասում եմ, որ իմ սերը համեմատում եմ ծաղկունքի հետ:
- Ամենակարևոր հատկանիշը ի՞նչն է, որը սերը հավիտենական է դարձնում:
- Իմ կարծիքով՝ դա փոխադարձ վստահությունն է ու հարգանքը:
- Ինչն եք համարում Ձեր ու Նոնայի սիրո բանաձևը:
- Մեր սիրո բանաձևը էլի փոխադարձ վստահությունն ու հարգանքն է, որովհետև, առհասարակ, նորմալ մարդկանց մոտ առանց դրա սեր չի լինում, և մենք էլ, ինչպես նորմալ մարդիկ, վստահում ենք իրար և հարգում, հենց դրանով է մեր սերը ուժեղ:
- Նոնայի, ո՞ր հատկանիշը գերեց ամենասկզբում, որից հետո հասկացաք, որ նա պետք էլինի Ձեր կինը:
-Ես միշտ հիացել եմ, հիանում և կհիանամ Նոնայի մտածելակերպով և խելքով, քանի որ նա շատ է սիրում կարդալ ու հենց իր գիտակ լինելու շնորհիվ կարողանում է ցանկացած հարցի պատասխան գտնել: Նրանից անընդհատ կարող ես նոր բան սովորել, ինձ այդ հատկանիշը շատ է գերում: Իհարկե, գերել է նաև հայացքը, տեսքը, աչքերը, ինքն ու իր ամեն ինչը:
- Ասում են` զույգերը որքան էլ միմյանց լավ ճանաչեն, անդադար իրար մեջ նորհատկանիշներ են հայտնաբերում: Վերջին «հայտնագործությունը», ո՞րն է եղել:
-Մարդիկ իրար սկսում են ճանաչել տարբեր իրավիճակներում և տարբեր կենցաղային վիճակներում: Երբ կինդ է և դեռ բալիկ չունեք, դու նրան այլ կերպ ես ճանաչում, երբ բալիկն է ծնվում, դու նրան որպես մայր ես ճանաչում և սիրում: Ինչ վերաբերում է, թե ինչ հատկանիշ եմ բացահայտել, ապա կասեմ, որ հիմա պատասխանատվության զգացումը իր մոտ ավելի է սրվել ընտանիքի ու բալիկի հանդեպ: Նա ավելի հմուտ և բանիմաց կին է դարձել:
Ամբողջական հոդվածը կարող եք կարդալ այստեղ։
