Aysor.am-ը գրում է.
Ռեժիսոր, պրոդյուսեր Արտյոմ Հակոբյանն այսօր նշում է ծննդյան 41-րդ տարեդարձը: Aysor.am-ի հետ զրույցում հոբելյարը նկատեց՝ երբեք չի պլանավորում, թե ինչպես է անցկացնելու ծննդյան օրը, սիրում է, երբ ամեն ինչ ինքնաբուխ է ստացվում:
«Կարծում եմ՝ այսօր էլ այդ օրերից կլինի, ու անկախ ամեն ինչից՝ օրս բարձր տրամադրությամբ կանցնի: Իհարկե, ուղիղ կեսգիշերին ընտանիքիս անդամներն անակնկալ մատուցեցին՝ շնորհավորելով ու գեղեցիկ դարձնելով օրս: Սովորաբար, ես իմ ծննդյան օրերը բուռն չեմ նշում, մեծ խնջույքներ, ռեստորանային միջոցառումներ չեմ կազմակերպում, միակ բացառությունը 30-ամյակիս է եղել: Հիմնականում, այդ օրը նախընտրում եմ անցկացնել ընտանիքս հետ», - ընդգծեց նա:
Ռեժիսորը երբեք անակնկալների պակաս չի ունեցել, ամեն տարիք իր գեղեցիկ անակնկալն է մատուցել.
«Այս պահին որևէ մեկն առանձնացնել չեմ կարող, միայն կասեմ, որ մի քանիսն են եղել, որոնք շատ կարևոր էին իմ կյանքում, տպավորիչ ու հիշվող: Դրանցից մեկը ընկերներիս կողմից կազմակերպված ծննդյանս միջոցառումն էր, որի մասին տեղյակ չէի, ինձ հրավիրեցին իմ իսկ ծննդյանը: Ընդհանրապես, ծննդյան ցանկացած անակնկալ կարևոր ու հաճելի է»:
Յուրաքանչյուր երկրորդը մեծ ուշադրություն է դարձնում իր կյանքում ավելացող թվերին. մեկի համար դրանք երիտասարդությունը մոտեցնում, մյուսի համար՝ կյանքի այդ կարևոր էտապից հեռանալն են խորհրդանշում: Մեծամասամբ, տղամարդիկ այդ թվերին ուշադրություն չեն դարձնում, ինչպես ասում են՝ տղամարդու համար 4-րդ տասնամյակը բոլորովին էլ տարիք չէ:
«Անկեղծ ասած՝ տարիքս դեռ չի անհանգստացնում, որովհետև, Փառք Աստծո, թե՛ ֆիզիկապես, թե՛ մտավոր առումով բավական առույգ եմ: Միայն երբեմն անհանգստացնում է այն փաստը, որ շրջապատումդ քո տարիքակիցների մեջ այդ թվերին այլ կերպ վերաբերող մարդկանց ես հանդիպում ու մտածում՝ գուցե իսկապե՞ս շատ եմ մեծացել: Իհարկե, երբ նայում եմ իմ կենսակերպին ու ակտիվությանը, մտավախությունս նահանջում է… Բայց դե, 41-ն արդեն փոքր տարիք չէ, 20 տարեկան չես», - ժպիտով խոստովանեց Արտյոմ Հակոբյանը:
Ամբողջական հոդվածը կարող եք կարդալ այստեղ։