168.am-ը գրում է

Lego մանկական ընկերությունը հայտարարել է կոնստրուկտորի նորացված հավաքանիի առաջիկա թողարկման մասին: Հավաքված տեսքով այն իրենից կներկայացնի Թաջ Մահալի մոդելը: Այս մասին հայտնել է The Archdaily-ն:

Հրատարակությունն ընդգծում է, որ դա կդառնա ամենամեծ հավաքանին. այն բաղկացած է 5923 դետալներից: Նորույթն արդեն հայտնվել է վաճառքում եւ պաշտոնական խանութներում ներկայացված է 369,99 դոլար գնով: Թաջ Մահալը մզկիթ-դամբարան է, որը գտնվում է Ագրայում (Հնդկաստան)՝ Ջամնա գետի ափին: Կառուցվել է 1632 – 1653 թվականներին Լենկթեմուրի հետնորդ՝ Մեծ Մողոլների Կայսրության փադիշահ Շահ Ջահանի հրամանով՝ ի հիշատակ իր կնոջ՝ Մումթազ Մահալի, որը մահացել է տասնչորսերորդ երեխայի ծննդաբերության ժամանակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել