168.am-ը գրում է.
 Դեմոկրատական կուսակցությունից ԱՄՆ նախագահի նախկին թեկնածու Հիլարի Քլինթոնը հայտարարել է, որ Դոնալդ Թրամփի ներկայությունը նախագահի պաշտոնում կարող է ավարտվել խայտառակությամբ ու իմպիչմենտով: Ինչպես փոխանցում է TASS­-ը, նման կարծիք նա հայտնել է Մասաչուսեթսում ուսանողների հետ հանդիպման ժամանակ:

Թրամփին չանվանելով անունով՝ Քլինթոնն ընդգծել է, որ նրա նախագահությունը «կարող է ավարտվել խայտառակությամբ ու իմպիչմենտով արդարադատությանը խոչընդոտելուց հետո, երբ նա պաշտոնից հեռացրեց մարդու, ով իր նկատմամբ հետաքննություն էր վարում»:

Քլինթոնը նկատի է ունեցել Ջեյմս Կոմիին, որին նախագահ Թրամփը մայիսի 9­ին հեռացրել է Հետաքննությունների դաշնային բյուրոյի տնօրենի պաշտոնից՝ Արդարադատության նախարարի, Գլխավոր դատախազ Ջեֆ Սեշնսի և նրա տեղակալ Ռոդ Ռոզենստայնի խորհրդով: Թրամփն իր  որոշումը բացատրել էր նրանով, որ Կոմին, ով պաշտոնում նշանակվել էր Բարաք Օբամայի կողմից 2013 թվականին, անկարող է արդյունավետ իրականացնել իր գործառույթները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել