Թուրքիայի նախագահ Ռեջեփ Թայիփ Էրդողանը հայտարարել է, որ ԵՄ-ն անփոխարինելի չէ:
Ըստ Sozcu-ի՝ նա նշել է, որ Թուրքիան ԵՄ-ի հետ հարաբերությունները խզելու խնդիր չունի, սակայն ԵՄ-ն, նրա խոսքով, պետք է կատարի իր պարտականությունները: Էրդողանը խորհուրդ է տվել առանց բարդացնելու կայացնել Թուրքիայի՝ ԵՄ անդամակցության գործընթացը չեղարկող որոշում:
«ԵՄ-ն Թուրքիայի համար անփոխարինելի չէ»,- ասել է նա՝ նշելով, որ ԵՄ-ն Թուրքիային վերաբերվում է որպես «դռան առաջ կանգնած մուրացկանի»:
«Նրանք ցանկանում են, որ մենք կամավոր հեռանանք: Մենք էլ ասում ենք, որ եթե նման մտադրություններ ունեք, գործը մի բարդացրեք, ինքներդ կայացրեք այդ որոշումը»,- ասել է Թուրքիայի նախագահը:
Նյութի աղբյուր՝ http://www.yerkir.am/news/view/129942.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել