Այս կամ այն պատճառով տարբեր սիրահար զույգեր բաժանվում են: Ոմանք, ըստ երևույթին, փորձում են հասուն մարդկանց պես իրենց պահել և որոշում են ընկերներ մնալ: Ընկերնե՞ր, իսկապե՞ս:
BlogNews-ը ձեզ է ներկայացնում բաժանումից հետո ընկերներ մնալու անկնկալիքներն ու իրականությունը:
1. Վերհիշել հին ու բարի ժամանակները
Ակնկալիքներ
Վա՜յ, հիշու՞մ ես` ինչքան լավ պահեր ենք ունեցել: Բա էն, որ... (սուզվելով հիշողությունների մեջ)
Իրականություն
Ի՞նչը սխալ գնաց: (գրեթե լացելով կամ էլ գոռալով) Մեզ այնքան լավ էինք զգում իրար հետ: Այնքան եմ կարոտում այդ ժամանակները:
2. Նրա նոր ընկերուհուն/ընկերոջը հանդիպելիս
Ակնկալիքներ
Օօօ, այնքան ուրախ եմ քեզ համար, նա հիանալի է: Երջանկություն եմ մաղթում:
Իրականություն
Ինչպե՞ս կարող էիր նոր մեկի հետ սկսել հանդիպել, ախր նոր ենք բաժանվել: Հետո ի՞նչ, որ արդեն 3 ամիս է անցել: Ու էդ ինչո՞վ ա ինձնից լավ:
3. Բաժանման պատճառների մասին խոսելիս
Ակնկալիքներ
Երկուսս էլ մեր մեղքի չափաբաժինն ունենք: Հարկավոր չէր ամեն ինչում մեկս մյուսին մեղադրել:
Իրականւթյուն
Դու բաժանվեցիր, ես չէ: Սիրտս կոտրեցիր, միշտ էլ թքած ես ունեցել ինձ վրա, ես քեզ համար նշանակություն չեմ ունեցել:
4. Միասին ժամանակ անցկացնելիս
Անկնալիքներ
Միասին ֆիլմ դիտել, ադի-բուդի ուտել:
Իրականություն
Համբուրվել անցյալի ազդեցության տակ (հետո հիմնականում զղջալ դրա համար):
5. Նրան ծանոթացնել քո նոր ընկերուհու/ընկերոջ հետ
Ակնկալիքներ
Սա *անունը* է, ընկերուհիս/ընկերս: Ուզում էի ձեզ ծանոթացնել:
Իրականություն
(հիմնականում մտքում, բայց երբեմն անգամ բարձր) Հուսով եմ՝ նա կզգա, որ առանց նրա ես ավելի լավ եմ զգում: Կարելի է այնպես անել, որ խանդի: Հըմմ... Կարող եմ համբուրվել նոր ընկերոջս/ընկերուհուս հետ: Այո՛, հիանալի գաղափար:
6. Զույգերով միասին ինչ-որ տեղ գնալ
Ակնկալիքներ
Միասին լավ և ուրախ ժամանակ անցկացնել:
Իրականություն
Երբեք էլ լավ և ուրախ չի ստացվում:
7. Զույգերով միասին ինչ-որ տեղ գնալու ընթացքում
Ակնկալիքներ
Վայելել ժամանցը որպես ընկերներ, լավ ընկերներ, երկու տարբեր զույգեր:
Իրականություն
Նախկինի հետ չափազանց մտերմիկ լինել, ինչը անհարմարություն և տհաճություն է պատճառում ձեր ներկայիս զույգերին:
8. Նրա ընկերն/ընկերուհին բաժանվում է նրանից
Ակնկալիքներ
Մխիթարել նրան, քանի որ իսկական ընկերներն այդպես էլ անում են դժվարին պահերին:
Իրականություն
Հիանալի է, ըկներն/ընկերուհին բաժանվեց նրանից, շատ լավ է, տեղն է իրեն: Սա ապացուցում է, որ ես չէի մեղավոր մեր բաժանման մեջ, խնդիրը նրա մեջ է:
9. Քո ընկերն/ընկերուհին բաժանվում է քեզնից
Անկկալիքներ
Ես ուզում եմ ինչ-որ մեկի հետ խոսել և կարծում եմ՝ դու միակն ես, ով կհասկանա:
Իրականություն
Բոլորն ինձ լքում են, դու էլ այդպես վարվեցիր: Ի՞նչն այն չէ ինձ հետ:
10. Երբ դուք երկուսդ էլ կրկին միայնակ եք
Ակնկալիքներ
Լավագույն ընկերների պես վարվել, օգնել իրար հաղթահարել բաժանման ցավը, քանի որ ընկերները դժվարին պահերին միշտ նեցուկ են լինում միմյանց:
Իրականություն
Կրկին միավորվում եք՝ անկախ նրանից, թե որքան վատ էր իրավիճակը ձեր հարաբերություններում, որ բերեց բաժանման, քանի որ գիտակցում եք, որ դեռ սիրում եք իրար:
Իհարկե, խոսքը չի վերաբերում բոլոր բաժանված զույգերին, գուցե բաժանումը լավագույն որոշումն էր, որ դուք կարող էիք կայացնել, քանի որ իրականում չէիք սիրում իրար:
