ՄԱԿ-ի գլխավոր քարտուղար Անտոնիու Գուտերեշն առաջարկել է ահաբեկչության դեմ պայքարի նոր վարչություն ստեղծել։ Ինչպես հայտնում է TASS գործակալությունը՝ այս մասին նա հայտնել է Գլխավոր ասամբլեայի ոչ պաշտոնական նիստում։
Գլխավոր քարտուղարի խոսքով՝ անհրաժեշտ է քաղաքական հարցերով դեպարտամենտից դուրս բերել հակաահաբեկչական միջոցառումների իրականացման թիրախային խումբն ու ահաբեկչության դեմ պայքարի ՄԱԿ-ի կենտրոնը՝ ստեղծելով նոր վարչություն։
Նա հավելել է, որ այդ քայլի միակ նպատակը կայանում է արդյունավետության բարձրացման մեջ՝ առանց հակաահաբեկչական գործունեության ոլորտում գոյություն ունեցող մանդատների փոփոխման։
Գլխավոր քարտուղարն առաջարկել է, որպեսզի վարչությունը գլխավորի իր տեղակալը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել