Yerkir.am-ը գրում է.Առանց Ստեփանակերտի անմիջական մասնակցության ԼՂ հիմնահարցի կարգավորում հնարավոր չէ. РИА Новости-ի հետ հարցազրույցում ասել է ՀՀ արտգործնախարար Էդվարդ Նալբանդյանը:
Ըստ նրա` ԵԱՀԿ ՄԽ համանախագահներն իրենց տարածաշրջանային այցերի ժամանակ հանդիպում են ԼՂ` դեռևս չճանաչված հանրապետության ղեկավարության հետ:
«Լեռնային Ղարաբաղն իրականում բանակցային գործընթացում է, սակայն ներկա փուլում` ոչ լիարժեք ֆորմատով, այսինքն` ղարաբաղյան կողմն ուղիղ չի բանակցում ադրբեջանական կողմի հետ վերջինիս չհամաձայնելու պատճառով»,- պարզաբանել է Նալբանդյանը:
Ըստ նախարարի` այն, որ առանց ԼՂՀ մասնակցության կարգավորում հնարավոր չէ, հրաշալի հասկանում և այդ մասին ասում են միջնորդները: «Ադրբեջանական կողմը պարզապես ձևացնում է, որ իբր չի հասկանում, գլուխը ավազի մեջ է մտցնում, թեև բոլոր աշխատանքային փաստաթղթերում, որոնք քննարկվել են վերջին տարիներին, ամրագրված է հակամարտության համընդհանուր կարգավորման համաձայնագրի մշակմանը ղարաբաղյան կողմի անմիջական մասնակցության պայմանը»,- ասել է նա:
