Sputnik լրատվական գործակալության փոխանցմամբ՝ Վրաստանում նախկինում իշխող «Միասնական ազգային շարժում» կուսակցությունը նախկին վարչապետ, միլիարդատեր Բիձինա Իվանիշվիլիին կոչ է արել չլքել Վրաստանը, եթե իշխող «Վրացական երազանք – Դեմոկրատական Վրաստան» կուսակցությունը պարտություն կրի առաջիկա խորհրդարանական ընտրություններում։
Կուսակցությունում պնդում են, որ իշխանությունների պարտության դեպքում Իվանիշվիլին կլքի երկիրը, ինչի մասին նա հայտնել է իր մերձակա շրջապատին։
Կուսակցության առաջնորդներից Գիգա Բոկերիան լրագրողների հետ զրույցում հայտարարել է. «Մենք ցանկանում ենք Իվանիշվիլիին ու նրա շրջապատին չլքել Վրաստանը ընտրություններում պարտություն կրելուց հետո։
Նրանք պարզապես պետք է դառնան ընդդիմություն։ Դա անհրաժեշտ է մեր երկրի եվրոպական զարգացման համար»։
Վրաստանում խորհրդարանական ընտրություններն անցկացվելու են հոկտեմբերի 8-ին։
