Tert.am-ը գրում է.
ՆԱՏՕ-ի հետ Հայաստանի համագործակցությունը հաջողված է. «Վարշավայի ՆԱՏՕ-ի գագաթաժողովից հետո. հետևանքները Հայաստանի համար» քննարկման ժամանակ հայտարարեց Հայաստանում Գերմանիայի դեսպան Մաթիաս Քիսլերը:
Նա նշեց, որ ՆԱՏՕ-ն իր ուշադրության կենտրոնում է պահում Հարավային Կովկասի հակամարտությունները, այդ թվում նաև՝ ԼՂ-ինը, և փորձելու է աջակցել դրանց խաղաղ կարգավորմանը:
ՆԱՏՕ-ի կապերի գրասենյակի ղեկավար Վիլիամ Լահուն էլ հաստատեց, որ Հարավային Կովկասի յուրաքանչյուր երկրի հետ նրանք ունեն համագործակցության ուրույն տարբերակներ, քանի որ նրանցից յուրաքանչյուրն առանձնահատուկ է:
Քննարկման մասնակից Լեհաստանի Հանրապետության արտակարգ և լիազոր դեսպան Եժի Նովակովսկին ասաց, որ իրենց նպատակն է ամուր պահել Արևելյան գործընկերությունը, և այդ կոնտեքստում ՆԱՏՕ-ն լուրջ աջակցություն է ցուցաբերում: Նա խոսեց Ռուսաստանի և ՆԱՏՕ-ի փոխհարաբերությունների մասին՝ նշելով, որ ՌԴ-ին պետք է որպես գործընկեր, այլ ոչ թե բարեկամ վերաբերել. «Որովհետև Ռուսաստանը բռի, անկանխատեսելի քաղաքականություն է վարում»:
Ամբողջական հոդվածը կարող եք կարդալ այստեղ
