168.am-ը գրում է.
Թուրքիայի էկոնոմիկայի նախարար Նիհաթ Զեյբեքչին խնդրել է Ռուսաստանին թույլատրել թուրքական ապրանքների ներկրումը, որոնք գտնվում են պարենային էմբարգոյի տակ, լրագրողներին հայտնել է Զեյբեքչին:
«Ես արդեն խնդրել եմ»,- ասել է Զեյբեքչին` պատասխանելով հարցին, թե երբ Թուրքիան կդիմի ՌԴ-ին` խնդրելով վերսկսել ապրանքների մատակարարումները:
Այսօր Մոսկվայում կայացել է Զեյբեկչիի հանդիպումը Ռուսաստանի տնտեսական զարգացման նախարար Ալեքսեյ Ուլյուկաևի հետ:
Հանդիպումից հետո Ուլյուկաևը ասել է, որ Թուրքիայից գյուղատնտեսական արտադրատեսակների մատակարարման վրա դրված սահմանափակումները փուլ առ փուլ են հանվելու:
Նա նշել է, որ ռուսական և թուրքական կողմերը միմյանց հարցեր ունեն տալու, և դրանք պետք է լուծվեն երկկողմ կարգով:
Նյութի աղբյուր՝ http://168.am/2016/07/26/666905.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել