Araratnews.am-ը գրում է.
Մեծ Բրիտանիան շարունակում է մնալ Եվրամիության անդամ` իր բոլոր իրավունքներով ու պարտավորություններով, քանի դեռ ընթանում են ԵՄ կազմից դուրս գալու շուրջ բանակցությունները` «ՌԻԱ նովոստիի» տեղեկացմամբ հայտարարել է Գերմանիայի կանցլեր Անգելա Մերկելը:
«Քանի դեռ բանակցություններն ընթանում են, Մեծ Բրիտանիան մնում է Եվրամիության անդամ: Այդ անդամակցությունից բխող բոլոր իրավունքներն ու պարտավորությունները պետք է հարգել մինչև ԵՄ կազմից դուրս գալը, և դա հավասարապես տարածվում է ինչպես Մեծ Բրիտանիայի, այնպես էլ ԵՄ-ի վրա»,- ասել է Մերկելը:
Կանցլերի խոսքով` երբ Մեծ Բրիտանիան դիմի Միությունից դուրս գալու համար Լիսաբոնի պայմանագրի 50-րդ հոդվածի համաձայն, կսկսվի «բանակցությունների երկամյա շրջանը»:
«Այդ ժամանակաշրջանը կարող է երկարաձգվել միաձայն որոշմամբ: Վերջում կմշակվի ԵՄ կազմից Մեծ Բրիտանիայի դուրս գալու հստակ մանրամասների մասին համաձայնագիր»,- ասել է կանցլերը: