Tert.am–ը գրում է.
Իրաքի զինուժը հրթիռային հարվածով ոչնչացրել է «Իսլամական պետություն» ահաբեկչական խմբավորման 7 առաջնորդների:
Ինչպես տեղեկացնում է РИА Новости գործակալությունը, սպանված ահաբեկիչների թվում է կազմակերպության՝ հետախուզության և անվտանգության պատասխանատուն:
Այդ մասին հայտնել են Իրաքի ուժային գերատեսչությունների միասնական հրամանատարության տեղեկատվական բյուրոն:
Բյուրոյի տվյալներով՝ ծայրահեղականների ոչնչացումը տեղի է ունեցել Անբար նահանգի արևմուտքում՝ Սիրիայի սահմանին:
Ոչնչացված զինյալների թվում են ԻՊ-ի առաջնորդ Աբու Բաքր ալ-Բաղդադիի օգնականը, Սիրիայում և Իրաքում խմբավորման խոշոր ստորաբաժանումների ղեկավարները, ինչպես նաև Եփրատ նահանգում շարիաթի դատարանի ղեկավարը:
Ավելի վաղ հաղորդվել էր, որ մայիսի 30-ին Իրաքի զինվորականները մտել էին Էլ-Ֆալուջա քաղաք, որի ազատագրման գործողությունը սկսվել էր մեկ շաբաթ առաջ:
Գրոհից առաջ Իրաքի անվտանգության ուժերը ոչնչացրել էին քաղաքում ԻՊ-ի ղեկավար Հաջի Համզային: Սպանվել էր նաև ԻՊ-ի դաշտային հրամանատար Աբու Ամիր ալ-Անսարին:
