Tert.am–ը գրում է.
ԱՄՆ-ի նախագահ Բարաք Օբաման այս տարվա նոյեմբերին ստիպված կլինի ընտանիքով լքել Սպիտակ տունն ու տեղափոխվել մեկ այլ վայր:
The New York Daily News-ը պարզել է, որ նախագահի լիազորությունները վայր դնելուց հետո Օբաման կնոջ և 2 դուստրերի հետ կտեղափոխվի շքեղ մի առանձնատուն, որը գտնվում է Վաշինգտոնի Կալորամա շրջանում։
Աղբյուրը մանրամասնում է, որ 6.4 մլն դոլարանոց առանձնատունը, որը կառուցվել է 1928թ., ունի 9 ննջասենյակ ու հարմարավետ կյանքի համար անհրաժեշտ բոլոր պայմանները:
Նշվում է նաև, որ Օբամաները վարձակալելու են այս առանձնատունն այնքան ժամանակ, քանի դեռ նրանց դուստրերը չեն ավարտել ուսումը Վաշինգոտնում:
Ուշադրության է արժանի այն փաստը, որ ԱՄՆ-ի պատմության մեջ Բարաք Օբաման 2-րդ նախագահն է, ով պաշտոնը լքելուց հետո նախընտրել է շարունակել ապրել Վաշինգտոնում: 1924թ. Վուդրո Վիլսոնը ևս տեղափոխվել է Կալորամա, որտեղ նախագահի պաշտոնը թողնելուց հետո ապրել է 3 տարի: