Եթե ունեք փոքր կուրծք, ուսագծին հավասար կոնքագիծ ու ընդգծված իրանի բացակայություն, ապա այս հոդվածը հենց Ձեր մասին է։ Բանանանման կամ ուղղանկյունաձև կազմվածք ունեցող կանանց բնորոշ չէ մարմնի ռելիեֆայնությունը։ Ուսերի, իրանի ու կոնքերի չափերի միջև ընդգված տարբերություն չկա, դրանք տեսողականորեն հավասար են։
Մարմնի նմանատիպ կառուցվածք ունեցող կանայք հաճախ բարդույթավորվում են, որ ախորժալի ու գայթակղիչ չափանիշներ չունեն, նույնիսկ ասում են, որ իրենց կազմվածքը “տղայանման է։
Իսկ ես ասեմ, որ բանանանման կազմվածքը մյուս երեքի հետ համեմատ ամենապակաս խնդրահարույցն է։ Բանանանման կազմվածք ունեցող կանայք այն եզակիներից են, ովքեր ավելորդ քաշի խնդիր որպես կանոն չեն ունենում։ Քաշ հավաքելիս կիլոգրամները մարմնի բոլոր հատվածներում հավասարապես են բաշխվում։ Բացի այդ այսպիսի կազմվածք ունեցող կանայք իրենց կարող են թույլ տալ կրել ԳՐԵԹԵ ամեն ինչ։ Խաղի կանոններ ոճաբաններն, իհարհե, սահմանում են։ Դրանց անցնելուց առաջ նշեմ, թե համաշխարհային աստղաբույլում ովքեր ունեն բանանանման կազմվածք։ Նրանք են՝ Շերոն Սթոունը, Պենելոպա Կրուզը, Քիրա Նայթլին, Քեմերոն Դիասը, Նիկոլ Քիդմանը և ուրիշները։
Եվ, այսպես, չմոռանանք՝ ինչի համար ենք հավաքվել։ Ի՞նչ հագնել ու չհագնել բանանանման կազմվածք ունենալու պարագայում։ Նախ, հասկանանք՝ ի՞նչ խնդիր ենք դնում հագուստի առջև։ Մեր նպատակն է՝ հագուստի օգնությամբ բանանը տեսողականորեն վերածել ժամացույցի։ Այսինքն՝ պետք է փորձենք ընդգծել իրանը, ծավալ հաղորդել կրծքի հատվածին և հնարավորինս հետաքրքիր լույսի ներքո ներկայացնել կոնքագիծը։ Մի քանի ընդհանուր ցուցում եմ առանձնացրել․
Ընտրեք այնպիսի հագուստ, որը հնարավորինս կլայնացնի մարմնի ստորին հատվածը՝ կոնքերը։
Շարունակությունն՝ այստեղ
