168.am-ը գրում է.
Facebook սոցցանցը պատրաստվում է ընդլայնել Like կոճակի հնարավորությունները, հայտնում է Engadget.com-ը:
Like-ի նոր վարկածը կստանա «Ռեակցիա» (Reactions) անվանումն ու իրենից կներկայացնի սմայլիկների հավաքածու, որն արտահայտում է տարբեր էմոցիաների ամբողջական սպեկտր:
Այդկերպ, սոցցանցը ծրագրում է իր լսարանին տալ հնարավորություն ավելի էմոցիոնալ կերպով արձագանքել նորությունների հրապարակումներին:
Հին Like-ը կմնա, սակայն կավելանան նոր սմայլիկներ, որոնք կարտահայտեն սեր, ծիծաղ, ժպիտ, զարմանք ու զայրույթ: Պարբերականի տեղեկություններով՝ Facebook-ի իսպանացի ու իռլանդացի օգտատերերը կկարողանան նոր գործառույթը փորձարկել թեսթային ռեժիմում արդեն վաղը:
Միևնույն ժամանակ, սոցցանցը որոշել է հրաժարվել հայտնի ու լայնորեն քննարկված «դիսլայքերի» ներդրման գաղափարից:
Facebook-ի հիմնադիր Մարկ Ցուկերբերգի կարծիքով՝ «դուր չի գալիս» կոճակը սոցցանցը կնմանեցնի ֆորումների Reddit համակարգին, ինչպես նաև բացասաբար կազդի օգտատերերի տրամադրության վրա:
