Newmag.am-ը գրում է.
Երաժշտական աշխարհի համար տարին բուռն էր, հատկապես արևմտյան հատվածում, որտեղ ոչ բուռն չի լինում այդ առումով։ Ստորև կներկայացնենք 10 ալբոմ, որոնք թողարկվելուն պես արագ դարձան ամենավաճառվողը:
ՓԻՆՔ ՖԼՈՅԴ THE ENDLESS RIVER
Սկսենք տարվա երևի թե գլխավոր երաժշտական իրադարձություններից մեկով. լեգենդար «Pink Floyd»-ը 20 տարվա ընդմիջումից հետո թողարկեց իր 15-րդ ալբոմը` «The Endless River»-ը։
Այն նվիրված է խմբի անդամ Ռիչարդ Ռայթին (մահացավ 2008-ին)։ Ճիշտ է, ֆլոյդամաններն ասում են, որ առանց Ուոթերզի խումբը խումբ չէ, բայց «Փինք Ֆլոյդը» մնում է «Փինք Ֆլոյդ», իսկ Գիլմորը` ժամանակից ու նորաձևությունից ու քննադատությունից դուրս։
ՌՈԲԵՐՏ ՓԼԱՆՏ LULLABY AND… THE CEASELESS ROAR
Եվս մեկ լեգենդար խմբի` «Led Zeppelin»-ի վոկալիստ Ռոբերտ Պլանտը 1982-ից սկսեց իր սոլո կարիերան՝ այդ օրվանից թողարկելով մի քանի ալբոմ։ «The Ceaseless Roar»-ը, որտեղ նրան նվագակցում է «The Sensational Space Shifters»-ը՝ Պլանտի նոր բենդը, 10-րդն է։ Ընդամենը 11 երգ՝ Պլանտին ճանաչողների համար անսպասելիորեն մեղմ. գուցե տարիքի հետ եկել է նաև երաժշտական հանդարտությունը: Այս ալբոմում չեք հանդիպի «ճչացող» Պլանտին։
ՖԱՐԵԼ ՎԻԼՅԱՄՍ G I R L
Այո, սա հենց ԱՅՆ ֆենոմենալ Ֆարելն է, ու սա հենց այն ալբոմնէ, որտեղ ֆենոմենալ «Happy»-ն է։ Ալբոմնունի ընդամենը 10 երգ։ Ամենևին չթերագընահատելով արդեն հոգնեցրած «Հեփի»-ն` մնացած 9 երգերը ևս արժանի են ուշադրության. 4 դուետ (Մայլի Սայրուսի, Ջասթին Թիմբերլեյքի, Դաֆթ Փանքի և Ալիշա Քիզի հետ), 2 սինգլ` չհաշված նույն «Հեփի»-ն («Marilyn Monroe» և «Come Get It Bae»), և, իհարկե, անսահման պոզիտիվ ու որակ։
ԼԱՆԱ ԴԵԼ ՌԵՅ ULTRAVIOLENCE
2011-ին պոպուլյար դարձած Լանա Դել Ռեյի երա-ժըշտությունը շատ արագ ներխուժեց շատ երկրներ ու հայտնվեց որակյալ ու նորարար երաժշտության սիրահարների փլեյլիստերում։ Դրիմ փոփ և դեզերթ ռոք ժանրերով բնութագրվող «Ultraviolence»-ը կգըրավի հատկապես մելանխոլիայի (բայց ոչ ձանձրացնող) սիրահարներին։ Ալբոմի deluxe տարբերակը տևում է ավելի քան 1 ժամ։ Խորհուրդ եմ տալիս դիտել «West Coast»-ի հոլովակը։
Ամբողջական հոդվածը կարող եք կարդալ այստեղ
