Կանացի հագուստ, որը փոխակերպվում է տղամարդու հայացքի ներքո

168.am–ը գրում է.

Ծագումով պակիստանցի ամերիկացի դիզայներ Բենազ Ֆարախին ստեղծել է կանացի հագուստ, որն ի վիճակի է փոխել իր արտաքին տեսքը տղամարդու հայացքի ներքո, գրում է The Daily Mail-ը:

Արտաքինից հագուստը նման է փշավոր գործվածքի: Հագուստի վրայի ասեղները, հագուստի մյուս տարրերի հետ պլաստիկե են ու տպված 3D պրինտերի վրա:

Հագուստի յուրահատկությունն այն է, որ կրծքի մակարդակում՝ ասեղների տակ, թաքնված է փոքրիկ տեսանկարահանող սարք ու միկրոկարգավորիչ, որը կարող է որոշել իր վրա նայող մարդու սեռը, տարիքն ու ֆիքսել իր տիրուհու վրա ուղղված հայացքը:

Եթե կադրում հայտնվում է իր տիրուհու կրծքին նայող տղամարդ, համակարգը սկսում է գործել՝ կնոջը հայտնելով այդ մասին:

Կանացի զգեստապահարանի այդ անսովոր տարրը ստացել է «Հայացքի նրբություն» անվանումը: