Դանիայի Օրհուսա քաղաքի արվարձանների բնակիչների թիվը ծրագրվում է հասցնել 15 հազարի: Բնակավայրը կստանա Nye անունը, որ դանիերենից թարգմանաբար նշանակում է «նոր»: Դա կլինի կանաչ քաղաք, որտեղ ժամանակակից տեխնոլոգիաների շնորհիվ բնակիչների և շրջապատող բնության միջև ներդաշնակություն կստեղծվի:
Օրհուսայի կենտրոնի հետ կապը կիրականանա տրամվայների միջոցով: Բնակավայրի ամբողջ տարածքով մեկ կանցկացվեն հեծանվային ուղիներ:
Նշվում է, որ արվարձանների բնակիչներից ոմանք կարող են ունենալ ավտոմեքենաներ, սակայն դրանք պետք է պահվեն բնակելի թաղամասերից փոքր հեռավորության վրա հատկացված հատուկ գոտում:
Սպասվում է, որ նախագիծը ավարտին կհասցվի առաջիկա 5 տարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել