Tert.am-ը գրում է.
«Բարգավաճ Հայաստան» խմբակցության պատգամավոր Միքայել Մելքումյանը համակարծիք է, որ երիտասարդ ակտիվիստներն իրենց գործն արեցին և հիմա հերթը մասնագետներինն է:
«Այս փուլում արդեն իմ կարծիքով պետք է ամբողջ շղթան աուդիտի ենթարկվի՝ արտադրող կայաններից, բարձրավոլտ էլեկտրահաղորդակցման ընկերություններից մինչև ՀԷՑ, այսինքն` ամբողջությամբ։ Միայն ՀԷՑ-ով աուդիտը մասնակի պատկերը կտա»,-Tert.am-ի հետ զրույցում ասաց նա:
Ըստ նրա՝ պետք է մշակվի տեխնիկական առաջադրանքը և պետք է ընտրության հիմքում պատվեր լինի:
«Այսինքն՝ միջազգային աուդիտորական ընկերություն ներգրավվենք, տեխնիկական առաջադրանք մշակվի, թե ինչ է անելու այն, որովհետև ցանկացած պատվեր ձևավորում է առաջադրանքի հիման վրա, հայտարարվի մրցույթ, բանակցություններ վարվի, և երբ որ աուդիտ անցկացնող ընկերությունը կլինի, մասնագետներն արդեն կմասնակցեն»,-ասաց նա: