Արարատյան դաշտում և Սյունիքում սպասվում է բարձր կարգի հրդեհավտանգություն. եղանակի տեսություն

Երևանում հուլիսի 6-10-ին սպասվում է առանց տեղումների եղանակ: Այս մասին հայտնում են ՀՀ ԱԻՆ հիդրոօդերևութաբանության և մոնիտորինգի պետական ծառայությունից և զգուշացնում, որ Արարատյան դաշտում և Սյունիքում սպասվում է բարձր կարգի հրդեհավտանգություն։

 

Հանրապետության տարածքում հուլիսի 6-9-ին հյուսիսային շրջաններում երեկոյան ժամերին սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում‘ 15-20մ/վրկ. արագությամբ: Հուլիսի 10-ին սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վրկ: Օդի ջերմաստիճանը 6-8-ին կնվազի 2-3աստիճանով, 9-10-ին նույնքան կբարձրանա: