Lurer.com–ը գրում է.

Ադրբեջանում կովերով բողոքի ակցիա է տեղի ունեցել:

Ինչպես հաղորդում է «Արմենպրես»-ը` վկայակոչելով «Ազատություն» ռադիոկայանի ադրբեջանական ծառայությունը, Իմիշլիի շրջանի Արանլը գյուղի բնակիչները հուլիսի 4-ի առավոտյան, որպես բողոք, իրենց տավարը քշել են ոչ թե արոտավայրեր, այլ գյուղապետարանի շենքի դիմացի հրապարակ:

Գյուղացիները բողոքում են գյուղապետարանի կողմից հասարակական արոտավայրերը մասնավոր անձանց վաճառելու դեմ, որտեղ նրանք տարիներով արածացրել են իրենց անասուններին:

Գյուղացիները պնդում են, որ իրենց համար արոտատեղիների կորուստը սպառնում է տավարի կորստով, ինչն իրենց համար նշանակում է՝ կորցնել վաստակի միակ աղբյուրը:

Գյուղ են ժամանել շրջանի ոստիկանության եւ գործադիր իշխանության ներկայացուցիչներ: Կովերով բողոքի ցույցը շարունակվում է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել